ග්‍රීක නාට්‍ය කලාවේ ප්‍රභවය
ග්‍රීසිය කඳුවලින් වටවූ ප්‍රාන්ත රාජ්‍යයන් ගෙන් සැදුම් ලද්දකි. මෙම ප්‍රාන්ත අතර ඇතැන්ස් නම් ප්‍රාන්තෙ ග්‍රීක නාට්‍ය කලාවේ ප්‍රභවය සිදු වී ඇත. ඇතැන්ස් ගැමි ජනතාව කෘෂිකාර්මික ජීවන රටාවකට හුරු වී ජීවත් වූ අතර බහුදේවවාදී ආගමක් ඇදහූ ජනතාව කි.එබැවින් ඔවුහු සශ්‍රීකත්වය ප්‍රජනනය සුරාව ජන ජීවිතයට වඩාත් සමීප කොටගෙන සිටි අතර ඔවුහු ඒවා සඳහා දියෝනිසස් දෙවියන් අධිපති ලෙස ඇදහීය. ඔවුන් දියෝනිසස් දෙවියන් මහත් හරසරින් වැඳුම් පිදුම් කළහ. කෘෂිකාර්මික කටයුතු අවසන් වී ඔවුන් ලබාගන්නා මිදි අස්වැන්නේ අග්‍ර ම කොටස රැගෙන දියෝනිසස් දේවාලය වෙත පෙරහරින් යාමට ඔවුහු පුරුදු වී සිටියහ. මෙලෙස පෙරහැරින් ඔවුන් යන අවස්ථාවේදී දෙවියන්ගේ ගුණ ගායනා කරමින් ස්තෝත්‍ර ගායනා කිරීමට කිරීමට පෙලඹී සිටියහ. මුල් කාලීනව සංවිධානාත්මක නොවූ මෙම ස්තෝත්‍ර ගායනා සංවිධායකයින් විසින් සංවිධානාත්මක කරවීමේ අදහසින් කණ්ඩායම් කර තරග පැවැත්වීමට කටයුතු කළේ ය.මෙම තරග කණ්ඩායම් වශයෙන් පැවැ වූ අතර එක් කණ්ඩායමක...